السلام عليكم يا شباب وصبايا
اول حاجة بنرحب بالاعضاء الجدد في منتدانا المتواضع ونخص الشكر لكل الاعضاء المساهمين على المشاركات الفعالة

انا حابب اقدم ليك حاجة كدا زي نظام لعبة ظريفة كدا من ضمنها ممكن الاعضاء يتعارفوا مع بعض

واسم اللعبة دي (جاوب وبعدين اسأل ):
بمعني مختصر شديد اي زوول يسأل عن اي حاجة انشاء الله سؤال ما ليهو معنى بس قبل ما تسأل لازم تجاوب على السؤال الطرحوا الزول القبلك بحرص وتأني .

انا اوريكم كيف:
مثلا انا حاعتبر زوول سألني مثلا عن الدكوة تصنع من شنو
وانا حاجاوب بي الفول
يلا انا حاسأل فطوركم كان بي شنو؟؟؟

والحيجاوبني حيقوم يقطع سؤال من جضومو تحت الاجابة طوالي فهمتوا؟
يلا ورونا همتكم يا احلى ناس
يلا انا حأبدا اللعبة باعتبار زووول سالني من اسمي
اسمي ود السنتر

اسم المنتدى البنشارك فيهو دا اسمو شنو؟؟؟؟

.................

اسمو سوداســــــــــــــــــــــــــــــــــــــــــــــــــــــــــــات

المنتدى دا بتاع ناس منو ؟؟

...........

حصلو الأسئلة الساهلة قبل ما تخلص

حق ناس كلية الهندسة جامعة الخرطوم
ولا انا غلطان

طيب سؤالي

انت عرفت المنتدى دا كيف